09/01/16

Alguns ditos dezideiros subre l més de Janeiro

-Janeiro geladeiro

-L’auga de l més Janeiro, bal deinheiro

-L més de Janeiro caliente trai l diabro ne l bientre

-L lhunar de l més de Janeiro, se cunta deinheiro

-An Janeiro, un cochino al sol i outro no fumeiro

-Ls dies buonos an Janeiro págan an Febreiro

-Ne l die binte de Janeiro, l die ten ua hora pur anteiro i quien bien cuntar, ua hora i meia bai ancuntrar

-Se quieres ser bun arbelheiro, semeia no creciente de Janeiro

-Janeiro grilheiro nun anche celeiro

-An Janeiro chube-te al outeiro. Se bires berdejar, bota-te a chorar. Se bires terrear pon-te a cantar.

-An Janeiro mete oubreiro

L més de Janeiro buono pa la baca malo pa la saca

-Ne l minguante de Janeiro corta l madeiro

-Se percisas para tue casa madeiro, corta-lo ne l minguante de Janeiro

-L lhunar de Janeiro, ye claro cumo un maron(carneiro); mas alhá ben l de Agosto que le dá pula rostro

-Nun hai lhunar cumo l de Janeiro nien amor cumo l purmeiro

-Dies buonos an Janeiro angánhan l home an Febreiro.

-Chuiba an Janeiro sien friu, bai dar riqueza ne l stio

-Ne l més de Janeiro chube-te ao outeiro para ber l nubrineiro

-Pescada de Janeiro, bal pur carneiro

-Sol de Janeiro, siempre baixo ne l outeiro

-Truniada an Janeiro, nien bun lhameiro nien bun palheiro

-An Janeiro acende la fogueira i assienta-te a lareira

-Calça branca an Janeiro seinha de pouco deinheiro

-Janeiro geloso trai un anho formoso

-Janeiro molhado se nun cria pan cria ganado

1 comentário:

Tiégui disse...

You gustu de lus ditus ! Gustu d'aqueilles que falen de la duraçon dal die. Y ende teneis un que you nun cuinecie. You sabie aqueste : “Pu’la San Sebastian, lus diês cun ua hora van”.
Fize un studu d'issu. Y yê facel d'amustrar que lus antigus pensaban que lus diês medraban de 2 minutus pur die. Mas yê un erru. Hoije sabémus que lus diês nun médran de maneira llinear. Médran mi poucu açpuis dal Natal y quandu médran mas yê an vuôlta de la primavéra mas nunca nu die de San Sebastian lus diês van c'ua hora mas !

Pra Cicuiru nu die 21 de Dezembru al die dura de 7h48 anté 16h57 son 9h09 de die. Ya nu die de San Sebastian al die dura de 7h47 anté 17h25 que son 9h38... apénas tenémus 29 minutus a mas !