18/12/12

Curso de Lhéngua i Cultura Mirandesas

L terceiro anho de l quarto curso de Lhéngua i Cultura Mirandesas an Lisboua, ten l sou ampeço die 16 de janeiro de 2013. Las classes ban a tener lhugar na Casa de Trás-os-Montes e Alto Douro, a las nuobe de la nuite de todas las quartas-feiras.
L curso, astanho tenerá l mesmo zeinho que tubo yá an 2007-2008 an Corroios. Assi, pul ansino de la lheitura, scrita i de la fala, quédan reponsábles ls porsores Francisco Domingues i António Cangueiro. Apuis ua beç an cada més l porsor Amadeu Ferreira queda ancarregado de dar la Stória i Cultura Mirandesas.
Las aulas son an special pa ls alunos que frequentórun ls derradeiros dous anhos, pa terminar l Curso Eilementar de Lhéngua i Cultura Mirandesas, mas tamien para nuobos alunos que quergan ampeçar a daprander l mirandés.
Deseio de Buonas Fiestas para todos i tratai de fazer l’ anscriçon.

Un abraço arrochado i anté die 16-01-2013,

Ls porsores:

 Amadeu Ferreira, António Cangueiro i Francisco Domingues

3 comentários:

ACangueiro disse...

yá stá ua paigina ne l facebook cun l nome: Curso de Lhéngua i Cultura Mirandesas.

Quien quejir acumpanhar i fazer las anscriçones puode-lo fazer eiqui ó faze-lo ne l facebook na paigina andicada.

ACangueiro disse...
Este comentário foi removido pelo autor.
leonardo antao disse...

Buonas nuites Francisco,

Ua beç mais starei persente neste curso, i acunselho a todos ls mius amigos que se anscreban nel, porque, pula mie spriéncia, berifico que daprender a screbir la lhéngua mirandesa fui ua de las buonas cousas que you fiç na bida.

Screbir an mirandés ye ua forma de mostrar l respeito i l'amisade que dedicamos als nuossos antepassados de l praino mirandés, que mos trouxírun esta lhéngua falada anté als dies d'hoije. Por esso, las aulas de lhéngua i cultura mirandesas son pequeinhos momientos, que mos ajudan a tornar la nuossa bida mais feliç.

Un abraço
Leonardo